Londonning “Chelsi” klubi futbolchisi Anjelo Gabriel “An-Nasr” safiga qo‘shildi.
Saudiya klubi braziliyalik bilan 5 yillik shartnoma tuzilganini rasman e’lon qildi. 19 yoshli futbolchining transfer narxi, taniqli insayder Ben Jeykobsning fikricha, 23 million yevroni tashkil qilgan.
Anjelo Gabriel o‘tgan yozda "Santos"dan "Chelsi"ga o‘tgandi - o‘shanda futbolchi "ko‘klar"ga 15 million yevroga tushgandi. Yosh vinger 2023/24-yilgi mavsumni Fransiyaning “Strasburg” klubida o‘tkazdi va 25 ta o‘yinda 4 ta golli uzatmani amalga oshirdi. Gabriel hech qachon "Chelsi"da debyut o‘tkazmagan.