Лондоннинг “Челси” клуби футболчиси Анжело Габриэл “Ан-Наср” сафига қўшилди.
Саудия клуби бразилиялик билан 5 йиллик шартнома тузилганини расман эълон қилди. 19 ёшли футболчининг трансфер нархи, таниқли инсайдер Бен Жейкобснинг фикрича, 23 миллион еврони ташкил қилган.
Анжело Габриэл ўтган ёзда "Сантос"дан "Челси"га ўтганди - ўшанда футболчи "кўклар"га 15 миллион еврога тушганди. Ёш вингер 2023/24-йилги мавсумни Франциянинг “Страсбург” клубида ўтказди ва 25 та ўйинда 4 та голли узатмани амалга оширди. Габриэл ҳеч қачон "Челси"да дебют ўтказмаган.
