«Manchester Yunayted» markaziy yarim himoyachisi Kristian Eriksen faoliyatini «Betis»da davom ettirishi mumkin edi.
Jurnalist Fabrisio Romanoga ma’lum bo‘lishicha, transfer oynasining so‘nggi daqiqalarida «Betis» Eriksenni transfer qilish uchun «Manchester Yunayted» bilan bog‘langan, biroq transfer imkoniyati bo‘lmagan, chunki ispanlar daniyalik bilan shartnoma shartlarini ham kelishib olishmagan.
Yozgi transfer oynasi davomida 32 yoshli Eriksenga «Ayaks» qiziqish bildirayotgani haqida mish-mishlar tarqaldi. Shu bilan birga, Romano amsterdamliklar «qizil iblislar»ga rasmiy taklif bilan chiqmaganini takidladi.
