"Yuventus" yarim himoyachisi Filip Kostich jamoaning o‘yinlarida ishtirok etmaydi.
Turinliklar serbni sotuvga qo‘yishdi, ammo u o‘ziga yangi klub topa olmadi. Ko‘rinishidan, 31 yoshli futbolchining boshqa joyga ko‘chib o‘tish uchun so‘nggi imkoniyati - 13 sentyabr kuni transfer bozori yopiladigan Turkiyadan bo‘lgan da’vogarlardan birining taklifini qabul qilish. Jurnalist Jovanni Albanezening so‘zlariga ko‘ra, Kostich bu oy hech qayerga ketmasa, mavsumning birinchi yarmini tribunada o‘tkazadi. Tiago Motta har qanday sharoitda ham futbolchini tarkibga qo‘shish niyatida emas.
Filip Kostichga so‘nggi paytlarda "Galatasaroy" va "Beshiktosh" klublari qiziqish bildirmoqda.
