Italiya terma jamoasi tarkibida Yevropa vise-chempioni, hujumchi Mario Balotelli faoliyatini qayerda davom ettirishi ma’lum bo‘ldi.
La Stampa nashri xabariga ko‘ra, yozda erkin agentga aylangan 34 yoshli forvard futbolchi o‘zi tug‘ilib o‘sgan shahar klubi - "Palermo"dan taklif olgan.
Balotellining xizmatlariga Braziliyaning “Korintians” va Amerikaning “San-Diyego” klublari ham qiziqish bildirmoqda.
Balotelli tizzasidan olgan jarohati tufayli o‘tgan mavsumning ko‘p qismini o‘tkazib yubordi. “Adana Demirspor” safida Turkiya Superligasining 16 uchrashuvida 7 ta gol urdi va 1 ta golli uzatmani amalga oshirdi.
