Albaniya terma jamoasi bosh murabbiyi Silvinyo Millatlar ligasi guruh bosqichida Ukrainaga qarshi bo‘lib o‘tadigan o‘yindan oldingi fikrlari bilan o‘rtoqlashdi.
Albaniya terma jamoasi ustozi qiyin qarama-qarshilik kutayotganini ta’kidladi.
"Ukraina terma jamoasi va uning bosh murabbiyi Sergey Rebrov haqida juda yuqori fikrdaman, bu jamoaning har bir chizig‘ida kuchli o‘yinchilar bor. Bizni ajoyib o‘yin kutmoqda, takror aytaman, Ukraina jamoasi ham jismoniy, ham texnik jihatdan juda yaxshi" - dedi Silvinyo.
Eslatib o‘tamiz, Millatlar ligasi doirasidagi Ukraina – Albaniya uchrashuvi 7 sentyabr, shanba kuni Chexiya poytaxti Praga shahridagi "Epet ARENA" stadionida bo‘lib o‘tadi.
