Italiya terma jamoasi darvozaboni Janluiji Donnarumma Millatlar ligasi guruh bosqichining 1-turida Fransiyadan o‘tkazib yuborilgan gol haqida gapirdi.
“Uch ranglilar” uchrashuvning birinchi daqiqasidayoq Bredli Barkolyaning goli evaziga hisobni ochishdi. Ammo yakunda italyanlar 3:1 hisobida g‘alaba qozondi.
“Men tayyor emas edim. Hattoki qo‘lqop kiyishga vaqtim yo‘q edi. O‘sha vaziyatda jamoamiz to‘pga ega edi, lekin biz aqlli harakat qilmadik. Uni o‘yinga kiritishdan oldin biroz pauza qilish kerak edi", - dedi Donnarumma.