"Ayaks"dan "Al-Ittihod"ga o‘tgan 26 yoshli vinger Stiven Bergveyn Saudiya Arabistoni klubidan qiziqish haqida qayerdan bilgani va transfer qanday amalga oshirilgani haqida gapirdi.

“30 yoki 31 avgust edi. Ammo transfer bozori yopilgan kuni, 2-sentyabrda klub faqat dastlabki taklif bilan chiqdi va transfer tezlashdi. Ertalab agentim Ali Dursun tun bo‘yi shartnomam bo‘yicha muzokaralar olib borganini bildim. Kunning ikkinchi yarmida Ali barcha hujjatlarni rasmiylashtirib, Amsterdamdagi shifoxonada mustaqil shifokorlar ko‘rigidan o‘tishimni tashkil qildi. Keyin “Ayaks” stadionida klublar muzokaralarni yakunlashini kutishga to‘g‘ri keldi. Bu juda qiyin edi.

Vaqt yo‘qligi sababli hech narsa ish bermasligidan qo‘rqdimmi? Ha, haqiqatan ham, chunki qog‘ozda to‘lov shartlarini to‘g‘ri bajarish bo‘yicha kelishmovchiliklar mavjud edi. Yakunda hammasi transfer oynasi yopilishiga 25 daqiqa qolganida amalga oshdi. Ammo Ali va men juda xavotirda edik", - deya Bergveyn so‘zlarini keltiradi De Telegraaf.