Italiya terma jamoasi ustozi Luchano Spaletti jamoaning o‘yin uslubi haqidagi savolga javob berdi.
"Biz maydonda turli sxemalardan foydalanamiz.
Har bir o‘yinchi har xil pozisiyaga biroz moslashadi va biz bir nechta turli yondashuvlarni birlashtirdik.
Gohida yuqori pressing qildik, goh past blokka qaytdik, o‘tmishda Italiya futbolini belgilab bergan uslub ham shu aslida.
Ba’zida maydon o‘rtasida to‘pni nazorat qilishga harakat qilamiz, ba’zida esa Angliyaga xos bo‘lganidek hujumchilarimizning jismoniy tayyorgarligiga tayanamiz.
Bizning o‘yinimiz italyan, ispan va ingliz uslublarini o‘zida mujassam etgan", - deya Spalletti so‘zlarini keltiradi Football Italia.
