Jahon chempionatining saralash bosqichidan o‘rin olgan Qirg‘iz Respublikasi – O‘zbekiston o‘yini oldidan jamoalar rasmiylari ishtirokida uchrashuv bo‘lib o‘tdi.

Unda OFK vakillari va mahalliy tashkiliy qo‘mita tomonidan ishtirokchilarga o‘yinga oid bir qator masalalar, xususan, media, marketing, tibbiyot va xavfsizlik yo‘nalishlari yuzasidan tushuntirish va eslatmalar berib o‘tildi.

Vakillarimiz mazkur bahsda to‘liq ko‘k libosda, darvozabonimiz esa yashil libosda harakat qilishi ma’lum bo‘ldi. Mezbonlar esa oq rangli futbolkada harakat qiladigan bo‘ldi.

Eslatib o‘tamiz, Qirg‘iziston-O‘zbekiston o‘yini 10 sentyabr kuni Toshkent vaqti bilan 19:00 da boshlanadi.