Xorvatiya terma jamoasi yarim himoyachisi Luka Modrich Millatlar ligasining 2-turi doirasidagi Polsha ustidan qozonilgan g‘alaba (1:0) va g‘alaba goliga mualliflik qilgani haqida fikr bildirdi.
“Uch ochko albatta muhim. Ishonch qozonishimiz uchun g‘alaba kerak edi. To‘rtta o‘yinda g‘alaba qozona olmadik, shuning uchun g‘alaba qozonish juda muhim edi. Biz mamnun bo‘lishimiz kerak.
Jarima to‘pidan gol urganimdan xursandman - bu uzoq vaqtdan beri sodir bo‘lmagandi. Ha, Slovakiya darvozasiga gol urgandim, lekin u yerda menga omad kulib boqdi. Goldan ko‘ra g‘alabadan ko‘proq xursandman", - dedi Modrich.