Italiyalik tennischi dunyoning birinchi raqamli raketkasi Yannik Sinner US Open-2024 g‘olibiga aylandi.

Turnirning final uchrashuvida Italiya vakili ATP reytingida 12-raqamda saralangan amerikalik Teylor Frisni uch setda mag‘lub etdi.

Uchrashuv 6:3, 6:4, 7:5 hisoblari bilan yakunlandi. Uchrashuv 2 soat 16 daqiqa davom etdi. Bu vaqt ichida Sinner oltita eys amalga oshirdi, beshta qo‘sh xatoga yo‘l qo‘ydi va 11 ta breyk-pointdan 5 tasini ochkoga aylantirdi (45%). 

E’tiborlisi, endi shaxsiy uchrashuvlarda hisob 2:1 ko‘rinishida Sinner foydasiga hal bo‘ldi.

Bu Sinner uchun faoliyatidagi 16-titul hisoblanadi. Bundan tashqari, Sinner 2024 yilda oltita finalning oltitasida g‘alaba qozongan.