Италиялик теннисчи дунёнинг биринчи рақамли ракеткаси Янник Синнер US Open-2024 ғолибига айланди.

Турнирнинг финал учрашувида Италия вакили ATP рейтингида 12-рақамда сараланган америкалик Тэйлор Фрицни уч сетда мағлуб этди.

Учрашув 6:3, 6:4, 7:5 ҳисоблари билан якунланди. Учрашув 2 соат 16 дақиқа давом этди. Бу вақт ичида Синнер олтита эйс амалга оширди, бешта қўш хатога йўл қўйди ва 11 та брэйк-поинтдан 5 тасини очкога айлантирди (45%). 

Эътиборлиси, энди шахсий учрашувларда ҳисоб 2:1 кўринишида Синнер фойдасига ҳал бўлди.

Бу Синнер учун фаолиятидаги 16-титул ҳисобланади. Бундан ташқари, Синнер 2024 йилда олтита финалнинг олтитасида ғалаба қозонган.