"Monako"ning sobiq sardori Vissam Ben Yedder 15-oktyabr, seshanba kuni Nissa jinoiy sudida qatnashadi.

U jinsiy zo‘ravonlik, ko‘cha qoidalariga rioya qilmaslik va mast holda mashina boshqarganlikda ayblanmoqda.

Xabar qilinishicha, hodisa dengiz yaqinida juma kunidan shanbaga o‘tar kechasi sodir bo‘lgan. 23 yoshli ayol Ben Yedderni mashinasida unga hujum qilganlikda aybladi.

L’Équipe xabariga ko‘ra, buni Nissa prokurori Damen Martinelli tasdiqlagan va futbolchi mahalliy polisiya tomonidan mast holatda mashina haydab ketayotganida hibsga olinganini ma’lum qilgan.

Hibsga olinganidan so‘ng, Ben Yedder yakshanba kuni sudga keldi va yuqorida sanalgan holatlarda ayblandi.

Biroq Ben Yedder ham, uning advokati ham yangi ish bo‘yicha izoh bermadi.