"Монако"нинг собиқ сардори Виссам Бен Йеддер 15-октябр, сешанба куни Ницца жиноий судида қатнашади.

У жинсий зўравонлик, кўча қоидаларига риоя қилмаслик ва маст ҳолда машина бошқарганликда айбланмоқда.

Хабар қилинишича, ҳодиса денгиз яқинида жума кунидан шанбага ўтар кечаси содир бўлган. 23 ёшли аёл Бен Йеддерни машинасида унга ҳужум қилганликда айблади.

L’Équipe хабарига кўра, буни Ницца прокурори Дамен Мартинелли тасдиқлаган ва футболчи маҳаллий полиция томонидан маст ҳолатда машина ҳайдаб кетаётганида ҳибсга олинганини маълум қилган.

Ҳибсга олинганидан сўнг, Бен Йеддер якшанба куни судга келди ва юқорида саналган ҳолатларда айбланди.

Бироқ Бен Йеддер ҳам, унинг адвокати ҳам янги иш бўйича изоҳ бермади.