Belgiya terma jamoasining sobiq hujumchisi Mark Degriz milliy terma jamoaning amaldagi sardori Kevin De Bryuyneni Millatlar ligasi doirasida Fransiyadan uchralgan mag‘lubiyatdan (0:2) so‘ng sheriklaridan ochiqchasiga noroziligi uchun tanqid qildi.
"Menimcha, u haddidan oshib ketdi. Kevin jadallik va qat’iyatning yetishmasligi haqida gapirdi. Va u haq. Agar sizda mahorat yetishmasa, hech bo‘lmaganda jang qilishni xohlayotganingizni ko‘rsatishingiz kerak. Ammo u jamoadoshlarining bor imkoniyati bilan harakat qilganini ham tushunishi kerak. De Bryuyne o‘z jamoadoshlarini himoya qilishi kerak edi, lekin u buni qilmadi", - dedi sobiq futbolchi.
59 yoshli Degriz faoliyati davomida Belgiya terma jamoasi safida 63 ta o‘yin o‘tkazgan.
