Neymar keyingi oyda ham Braziliya terma jamoasiga chaqirilmaydi.
“Al-Hilol” hujumchisi 2023 yilning oktyabrida o‘zining xoch bog‘lami va meniskdan jiddiy jarohat olgan edi.
Globo Esporte xabariga ko‘ra, terma jamoa murabbiylar shtabi forvardni noyabr oyidagi o‘yinlarga taklif qilishni rejalashtirmoqda - bu vaqtgacha futbolchi maydonga tushishga tayyor bo‘lishi mumkin. Shu bilan birga, terma jamoa va federasiya Neymarning chaqiruvi yana bir necha oyga qoldirilishi mumkinligini tan olishmoqda. Ustuvor vazifa 32 yoshli futbolchining to‘liq tiklanishiga imkon berish.
Neymar allaqachon to‘p bilan ishlayapti, biroq baribir shikastlangan joylarni kuchaytirishi kerak va shuning uchun umumiy "Al-Hilol" guruhida mashg‘ulot o‘tkazmaydi. Jamoa uning ahvoli haqida o‘z shifokori va futbolchining fizioterapevtidan ma’lumot oladi.
