Turkiya terma jamoasi va Milanning «Inter» klubi yarim himoyachisi Xoqon Chalxano‘g‘li bu yil «Oltin to‘p»ga da’vogarlar qatoridan joy olgani haqida fikr bildirdi.
«Men o‘zimni katta olishni xohlamayman, lekin 2003 yildan beri birinchi marta turkiyalik futbolchi «Oltin to‘p»ga da’vogarlar qatoriga kiritildi. Men bundan juda faxrlanaman. Vatanim sharafini yuqori saviyada himoya qilaman. Men xuddi shunday muvaffaqiyatli faoliyatimni davom ettirishga harakat qilaman. Agar sog‘ligim imkon bersa, imkon qadar uzoqroq o‘ynashni xohlayman», - dedi Chalxano‘g‘li.
Eslatib o‘tamiz, «Oltin to‘p» keyingi oyda topshiriladi.
