Туркия терма жамоаси ва Миланнинг «Интер» клуби ярим ҳимоячиси Хоқон Чалханўғли бу йил «Олтин тўп»га даъвогарлар қаторидан жой олгани ҳақида фикр билдирди.
«Мен ўзимни катта олишни хоҳламайман, лекин 2003 йилдан бери биринчи марта туркиялик футболчи «Олтин тўп»га даъвогарлар қаторига киритилди. Мен бундан жуда фахрланаман. Ватаним шарафини юқори савияда ҳимоя қиламан. Мен худди шундай муваффақиятли фаолиятимни давом эттиришга ҳаракат қиламан. Агар соғлигим имкон берса, имкон қадар узоқроқ ўйнашни хоҳлайман», - деди Чалханўғли.
Эслатиб ўтамиз, «Олтин тўп» кейинги ойда топширилади.
