Fransiyalik afsonaviy sobiq hujumchi Tyerri Anri Antuan Grizmann haqida o‘z fikrini aytdi.

“Grizmanning xizmatlarini e’tirof etmasdan ilojimiz yo‘q. Uning “Atletiko” va Fransiya terma jamoasi uchun nimalar qilganini hammamiz bilamiz.

19 yoshidan boshlab u deyarli har bir o‘yinda ishtirok etmoqda. Bu, ayniqsa, Diyego Simeonening talablarini hisobga olgan holda juda qiyin.

Grizmann yagona hujumchi edi, keyin u Diyego Kosta bilan o‘ngda, chapda, yana hujumchi ostida o‘ynadi. Bu uning moslashishga qodirligini va har qanday joyga borishi mumkinligini ko‘rsatadi. Men uni hamon muhim futbolchi deb bilaman", - deya Anri so‘zlarini keltirmoqda Into The Calderon.

33 yoshli futbolchi so‘nggi vaqtlarda Fransiya terma jamoasida zaxirada qolmoqda. U yana "uch ranglilar" uchun 14 o‘yindan buyon gol urmayapti.