Франциялик афсонавий собиқ ҳужумчи Тьерри Анри Антуан Гризманн ҳақида ўз фикрини айтди.

“Гризманнинг хизматларини эътироф этмасдан иложимиз йўқ. Унинг “Атлетико” ва Франция терма жамоаси учун нималар қилганини ҳаммамиз биламиз.

19 ёшидан бошлаб у деярли ҳар бир ўйинда иштирок этмоқда. Бу, айниқса, Диего Симеоненинг талабларини ҳисобга олган ҳолда жуда қийин.

Гризманн ягона ҳужумчи эди, кейин у Диего Коста билан ўнгда, чапда, яна ҳужумчи остида ўйнади. Бу унинг мослашишга қодирлигини ва ҳар қандай жойга бориши мумкинлигини кўрсатади. Мен уни ҳамон муҳим футболчи деб биламан", - дея Анри сўзларини келтирмоқда Into The Calderon.

33 ёшли футболчи сўнгги вақтларда Франция терма жамоасида захирада қолмоқда. У яна "уч ранглилар" учун 14 ўйиндан буён гол урмаяпти.