"Barselona" kelajakda himoyaning o‘ng qanotini kuchaytirishni rejalashtirmoqda.
O‘tgan yozda "ko‘k-anorranglilar" yangi o‘ng qanot himoyachisi bilan shartnoma imzolamagan holda Serxi Roberto, Joau Kanselu va Xulian Arauxodan ayrildi. Mundo Deportivo xabariga ko‘ra, bu pozisiyaga yangi o‘yinchi sotib olish "Barselona"ning kelasi yozdagi asosiy maqsadi hisoblanadi. Ustuvor nomzodlar sifatida “Bavariya”dan Joshua Kimmix va “Selta”dan Oskar Mingesa ko‘rilmoqda.
Transfermarkt portali Kimmixning narxini 50 million yevroga baholagan, biroq nemisning “Bavariya” bilan shartnomasi 2025 yilda yakuniga yetadi. Mingesaning narxi esa 8 million yevro.
