"Барселона" келажакда ҳимоянинг ўнг қанотини кучайтиришни режалаштирмоқда.

Ўтган ёзда "кўк-анорранглилар" янги ўнг қанот ҳимоячиси билан шартнома имзоламаган ҳолда Серхи Роберто, Жоау Канселу ва Хулиан Арауходан айрилди. Mundo Deportivo хабарига кўра, бу позицияга янги ўйинчи сотиб олиш "Барселона"нинг келаси ёздаги асосий мақсади ҳисобланади. Устувор номзодлар сифатида “Бавария”дан Жошуа Киммих ва “Сельта”дан Оскар Мингеса кўрилмоқда.

Transfermarkt портали Киммихнинг нархини 50 миллион еврога баҳолаган, бироқ немиснинг “Бавария” билан шартномаси 2025 йилда якунига етади. Мингесанинг нархи эса 8 миллион евро.