Фабрицио Романо хабарига кўра, "Монако" ярим ҳимоячиси Ламин Камара сешанба куни трансфер ойнаси ёпилишидан олдин "Челси"га ўтишга қарши эмас.
Лондон клуби сенегаллик футболчининг вакиллари билан боғланиб, унга бўлган қизиқишини билдирган.
Клублар ўртасидаги музокаралар пайшанба куни бошланган. Бироқ "Челси" Камара трансфери бўйича фақат Энцо Фернандесни сотган тақдирдагина жиддий ҳаракат қилиши кутилмоқда.
"Манчестер Сити" аргентиналик ярим ҳимоячи учун таклиф тайёрлашни кутмоқда. "Монако" эса ўзининг асосий футболчиларидан бири бўлган Камарани таркибда сақлаб қолишни истамоқда.
