Shanba oqshomida "Real Madrid" safarda "Real Sosyedad"ni 2:0 hisobida mag‘lub etdi. Bugun Karlo Anchelotti shogirdlari Chempionlar ligasi doirasida "Shtutgart"ga qarshi o‘yinga tayyorgarlikni boshlashdi. "Los-Blankos" o‘z saytida mashg‘ulotdan suratlarni e’lon qildi. Ular shuningdek Jud Bellingem va Orelyen Tchuameni to‘liq mashg‘ulotlarga qaytganliklari haqidagi videoni namoyish qilishdi.
Bellingem so‘nggi bor “Real” safida deyarli bir oy oldin, 18 avgust kuni o‘ynagandi. Tchuameni esa ikki haftani o‘tkazib yubordi – u 1 sentyabr kuni so‘nggi bor “Los-Blankos” ishtirokidagi bahsda o‘ynagandi.
