Bugun Elit Chempionlar ligasining birinchi turidan avval matbuot anjumani bo‘lib o‘tdi.

Maksim Shaskix: - Ertaga Elit Chempionlar Ligasini boshlaymiz. Raqibni o‘rgandik, ular chempionatda ikki o‘yin o‘tkazdi. Yaxshi o‘ynaydigan, tajribali futbolchilarga ega jamoa. Bahs qiziqarli kechadi deb o‘ylayman. Yigitlarni bellashuvga yaxshi tayyorlashga intildik.

Birinchi navbatda o‘yindagi intizom bilan raqibni yengish mumkin. Butun bellashuv mobaynida o‘yinga tuzilgan rejalarni bajarishga intilishimiz kerak. Uchrashuvda imkoniyatlar teng. Raqibning uzoq vaqtdan beri Chempionlar Ligasida qatnashmagani katta muammo emas. Biz xohish va ishtiyoq bilan ushbu jamoaga qarshi harakat qilishimiz darkor.

Abdulla Abdullayev: - Raqib ham biz kabi hujumkor futbol ko‘rsatishni yoqtiradigan jamoa. Bahs juda qiziq bo‘lishini kutyapman.

«Vasl» himoyada ham, hujumda ham juda yaxshi o‘ynaydi. Yuqori saviyali ijrochilarga ega. Biz uyda o‘ynayapmiz va ijobiy natija uchun borimizni beramiz.