45-Butunjahon shaxmat olimpiadasida bugun 7-tur o‘yinlari o‘tkaziladi. Jamoalarimizning raqiblari aniq bo‘ldi.

Bu turda O‘zbekiston erkaklar terma jamoasi Ukrainaga qarshi dona suradi. Bu jamoa musobaqada 15-raqam ostida saralangan (O‘zbekiston esa 4-raqamli jamoa). Ukraina 4-turda AQSHni mag‘lub etgani e’tiborga molik. Ukrainlar ayni paytda 7-o‘rinni egallab turgan bo‘lsa, O‘zbekiston 5-o‘rinni band etgan. Har ikki jamoa hisobida 10 tadan ochko mavjud.

Qizlarimiz esa bugun Gresiya bilan to‘qnash keladi. Bu raqib musobaqada 23-raqam ostida saralangan va ayni paytda jadvalda 17-o‘rinni egallab turibdi. O‘zbekiston esa 34-raqamli jamoa hisoblanadi va 6-turdan so‘ng 16-o‘rinni band etib turibdi. Har ikki jamoa hisobida 9 tadan ochko mavjud.

O‘yinlar Toshkent vaqti bilan 18:00da boshlanadi.