5 oktyabr — shanba kuni Farg‘onada bo‘lib o‘tadigan O‘zbekiston kubogining final uchrashuvi 17:00 da start oladi.

Liga avvalroq Farg‘ona viloyatida ommaviy tadbirlarni o‘tkazish jarayonida jamoat tartibi va fuqarolar xavfsizligini ta’minlash uchun mas’ul bo‘lgan organlar bilan final masalasida uchrashgan bo‘lib, unda futbol muxlislarining chipta bilan stadionga kirishiga o‘yin startidan 2,5 soat avval ruxsat etilishi masalasida kelishuvga erishgandi. Final uchrashuvini bevosita stadiondan tomosha qilish uchun talab katta ekanligi, qolaversa, final hushtagi chalinishi arafasida stadionga kirishda tirbandliklar yuzaga kelishini hisobga olib, futbol muxlislari stadionga 14:30 dan boshlab kirishlari mumkin ekanligini ma’lum qilamiz.

Chiptalar savdosi masalasida keyinroq axborot beriladi.