«Dinamo» hujumchisi Joel Kojo «Olimpik» bilan o‘yindan keyin klub va uning o‘rtasida hech qanday muammo yo‘qligi, o‘zaro gaplashib olingani va eng avvalo jamoa manfaati uchun ham olg‘a borish kerakligini aytdi.

«Eng avvalo bugun g‘alaba qozonib, muxlislar ishonchini oqlaganimizdan xursandman. Klub bilan o‘rtamizda hech qanday muammo yo‘q. Transfer bilan bog‘liq masala – futbolda bo‘lib turadigan holat. Hammasi unutildi, hech qanday muammo yo‘q, endi olg‘a borishimiz kerak. Bugungi golim va g‘alaba biz to‘g‘ri yo‘lda ekanimizni ko‘rsatadi. Oldimizda maqsadlarimiz bor va bunga butun jamoa bo‘lib g‘alabalar evaziga erisha olamiz», - deydi Joel Kojo.

Ma’lumot uchun, Kojo bugun Superligadagi 7-golini kiritib, to‘purarlik uchun kurashishda davom etmoqda.