Londonning "Arsenal" klubi sobiq futbolchisi Jey Emmanul-Tomas "Stansted" aeroportida chegaradan 60 kilogramm nasha olib o‘tmoqchi bo‘lganida qo‘lga olindi.
Tovarning umumiy qiymati 600 ming funt sterling bo‘lib, har bir gramm uchun 10 yevro hisoblangan.
Endilikda yaqin vaqtgacha Hindistonning "Jamshedpur" klubida to‘p tepgan 33 yoshli futbolchi sud oldida javob beradi.
Eslatib o‘tamiz, hujumchi "Arsenal" akademiyasi bitiruvchisi bo‘lib, kattalar jamoasida atigi bitta o‘yin o‘tkazgan, shundan so‘ng 2011 yilda uni tark etgandi.
U, shuningdek, "Kuinz Park Reynjers", "Ipsvich Taun", "Aberdin" va "Livingston" kabi klublarda ham o‘ynagan.
