Лондоннинг "Арсенал" клуби собиқ футболчиси Жей Эммануль-Томас "Станстед" аэропортида чегарадан 60 килограмм наша олиб ўтмоқчи бўлганида қўлга олинди.
Товарнинг умумий қиймати 600 минг фунт стерлинг бўлиб, ҳар бир грамм учун 10 евро ҳисобланган.
Эндиликда яқин вақтгача Ҳиндистоннинг "Жамшедпур" клубида тўп тепган 33 ёшли футболчи суд олдида жавоб беради.
Эслатиб ўтамиз, ҳужумчи "Арсенал" академияси битирувчиси бўлиб, катталар жамоасида атиги битта ўйин ўтказган, шундан сўнг 2011 йилда уни тарк этганди.
У, шунингдек, "Куинз Парк Рейнжерс", "Ипсвич Таун", "Абердин" ва "Ливингстон" каби клубларда ҳам ўйнаган.
