"Manchester Yunayted" bosh murabbiyi Erik ten Xag "Kristal Pelas" bilan mehmondagi durangdan so‘ng o‘z fikrlari bilan o‘rtoqlashdi.
90 daqiqalik o‘yin davomida jamoalar ko‘plab vaziyatlar yaratishdi, biroq bir-birlarining darvozalariga gol ura olishmadi.
"Biz g‘alaba qozonishimiz kerak edi. Birinchi bo‘limda biz ularni charchatdik. Bir yoki ikkita gol urishimiz kerak edi.
Ikkinchi bo‘lim ancha muvozanatli o‘tdi", - deya niderlandiyalik murabbiyning so‘zlarini keltiradi jurnalist Fabrisio Romano.
