"Real Madrid" haqiqiy orzular jamoasini yaratmoqchi. "Qirollik klubi" rahbariyati "Manchester Siti"ning ikki yulduzli futbolchisini sotib olishni maqsad qilgan.
Todofichajes nashri ma’lumotlariga ko‘ra, "Los Blankos" safiga norvegiyalik markaziy hujumchi Erling Xoland va ispaniyalik yarim himoyachi Rodri Ernandes qo‘shilishi mumkin. Avvalroq matbuotda "Real" yarim himoyachini kelasi yozda qo‘lga kiritish niyatida ekani haqida xabarlar tarqalgan edi. Xolandga kelsak, madridliklar ushbu transfer uchun ba’zi futbolchilari bilan xayrlashishga majbur bo‘ladi. Rodrigo va Vinisius hujum ostida bo‘lishi mumkin. O‘tgan yozda fransiyalik hujumchi Kilian Mbappe "Real"ga o‘tgan edi. U besh yillik shartnoma imzoladi.
