"Реал Мадрид" ҳақиқий орзулар жамоасини яратмоқчи. "Қироллик клуби" раҳбарияти "Манчестер Сити"нинг икки юлдузли футболчисини сотиб олишни мақсад қилган.
Todofichajes нашри маълумотларига кўра, "Лос Бланкос" сафига норвегиялик марказий ҳужумчи Эрлинг Холанд ва испаниялик ярим ҳимоячи Родри Эрнандес қўшилиши мумкин. Аввалроқ матбуотда "Реал" ярим ҳимоячини келаси ёзда қўлга киритиш ниятида экани ҳақида хабарлар тарқалган эди. Холандга келсак, мадридликлар ушбу трансфер учун баъзи футболчилари билан хайрлашишга мажбур бўлади. Родриго ва Винисиус ҳужум остида бўлиши мумкин. Ўтган ёзда франциялик ҳужумчи Килиан Мбаппе "Реал"га ўтган эди. У беш йиллик шартнома имзолади.
