Fabio Kapello “Milan” va Paulo Fonsekani “Inter” ustidan qozonilgan g‘alaba uchun yuqori baholadi.
"Fonseka ko‘p maqtovlarga loyiq. Hujumdagi Abraxam va Morata menga juda yoqdi. Ular jarima maydonchasida hujumchi emas, lekin ular qanday harakat qilishni, jamoaga yordam berishni, ochiq maydonlarni yaratish uchun nima qilish kerakligini, bosim o‘tkazishni va ko‘p yugurishni bilishadi.
"Milan"ning g‘alabasi bu ikkisining to‘g‘ri munosabati, fidoyilikka tayyorligidan boshlandi. Men Abraxam va Morataning kombinasiyasini ko‘rishni istayman.
Derbidagi g‘alaba Fonsekaga kundalik ishlarida ko‘proq xotirjamlik beradi, albatta. “Milan” turnir jadvalida “Inter”ga yetib oldi, biz chempionatning boshida turibmiz, hali oldinda ko‘p bahslar bor.
Shu bilan birga, mag‘lubiyat "neradzurrilar"ga hech qanday ta’sir ko‘rsatmaydi deb o‘ylayman. Muvaffaqiyatsizliklar sodir bo‘ladi, ba’zida kutilmagan va og‘riqli bo‘ladi", - dedi "Milan"ning sobiq bosh murabbiyi Kapello.
