“Arsenal” “Manchester Siti”ga tashrif buyurganida birinchi bo‘lim oxirida Leandro Trossard maydondan chetlatilganidan keyin himoyaviy taktikadan foydalandi.

London jamoasi ustozi Mikel Arteta Joze Mourinyo uning rejasiga ta’sir qildimi degan savolga javob berdi.

Portugaliyalik murabbiy o‘z sxemalari bilan mashhur.

"Menimcha, bu faqat Jozening ta’siri bilan bog‘liq emas. Siz har doim buyuk menejerlardan ko‘p narsalarni o‘rganasiz va ularni nima muvaffaqiyatga olib kelishini tushunishga harakat qilasiz", dedi Arteta seshanba kuni bo‘lib o‘tgan matbuot anjumanida jurnalistlarga.