Nuri Shahin Bundesligada "Boxum" ustidan qozonilgan g‘alabani (4:2) yuqori baholadi.
44-daqiqaga kelib esa Dortmundning “Borussiya”si 0:2 hisobida mag‘lub bo‘layotgandi.
“O‘yinni juda yaxshi boshlaganimizni his qildim. Keyin esa biz zarba qabul qilib oldik, ikkinchi gol o‘zimizning xatodan so‘ng kiritildi.
Agar uchinchi golni o‘tkazib yuborganimizda katta muammolar bo‘lardi. Ba’zan biror narsani o‘rganish uchun azob chekishingiz kerak. Biz aniq o‘yinni saqlab qoldik va yakunda g‘alabaga haqli bo‘ldik.
Biz hali ko‘p ishlashimiz kerak. Rivojlanishda va golli vaziyatlar yaratishda davom etmoqchimiz. Bugun o‘yin sur’ati juda yuqori edi, bu bizning mavsumdagi yettinchi rasmiy o‘yinimiz edi. Bunday o‘yinlarda ko‘p narsani o‘rganish mumkin”, — dedi Dortmundning “Borussiya” klubi bosh murabbiyi.
