FIFA klublar o‘rtasidagi jahon chempionati final stadioni va boshqa o‘yinlar o‘tkaziladigan joylarni e’lon qildi.
Klublar o‘rtasidagi jahon chempionati 2025 yilning 15 iyundan 13 iyuliga qadar AQSHda bo‘lib o‘tadi, unda 32 ta klub ishtirok etadi.
Uchrashuvlar 12 ta stadionda o‘tkaziladi. Final Nyu-Jersi shtatining Sharqiy Ruterford shahridagi "Metlayf" stadionida bo‘lib o‘tadi. 2026 yilgi jahon chempionati finali ham shu yerda bo‘lib o‘tadi.
Turnir, shuningdek, 10 ta shahardagi yana 11 ta arenada o‘tkaziladi.
