"Manchester Yunayted" bosh murabbiyi Erik ten Xag jamoasining "Tottenxem"ga qarshi o‘yindagi (0:3) ishtiroki haqida o‘z fikrlari bilan o‘rtoqlashdi.
"Avvalida o‘tkazib yuborgan gol o‘zimizga bo‘lgan ishonchimizga ta’sir qildi. Buning oldini olish mumkin edi. “Tvente” bilan o‘yinda ham shunday xatoga yo‘l qo‘ydik. Biz o‘yinga qaytishimiz mumkin edi, imkoniyatlarimiz bor edi.
Qizil kartochkadan keyin ham vaziyatlar yaratdik. Menimcha, bu kartochka adolatli emas edi.
Endi biz nima bo‘lganini qabul qilishimiz va kuchliroq bo‘lishimiz kerak. Biz keyingi o‘yinga e’tibor qaratishimiz va bugungidan yaxshiroq o‘ynashimiz kerak", dedi Ten Xag BBC'ga.
