Sobiq UFC chempioni, rossiyalik Xabib Nurmagomedov MMA va biznesni solishtirdi.
"Biznes qiyinroq. Jang qilish juda oson. U yerda sen raqibing bilan birga-bir qolasan, qafas yopiladi, 25 daqiqa jang qilasan.
Bilasizlarmi, biz ishtirok etadigan sportning jozibasi nimada? Birontasini haqiqatan ham yomon ko‘rsang, uni majag‘lab, bu uchun pul olasan! Agar bu ishni ko‘chada qilsang — qamalasan. Mening holatimda shunday bo‘lgan, rostan ham yomon ko‘rgan odamimni urganim uchun pul to‘lashgan. Bu biznes ancha yaxshiroq.
Qishloq xo‘jaligidagi tadbirkorlik esa... Agar xatoga yo‘l qo‘ysang, zararga kirasan. Bu ishni doimiy bajarishing kerak", dedi Nurmagomedov.
