Amerikalik aralash yakka kurash ustasi, yarim o‘rta vazn toifasida UFC jangchisi Brayan Battl 250 ming AQSH dollari jarima to‘laydi.
U 29 sentyabr tongida Fransiyaning Parij shahrida bo‘lib o‘tgan UFC Fight Night 243 turniri doirasida fransiyalik Kevin Jyuusse ustidan nokaut orqali g‘alaba qozonganidan so‘ng, arenadagi muxlislarga qarata o‘rta barmog‘ini ko‘rsatib, haqorat qilgan edi.
Voqeaga munosabat bildirgan UFC uni 250 ming AQSH dollari miqdorida jarimaga tortdi.
Shuningdek, Battlga Fransiya hududida o‘tkaziladigan turnirlarda ishtirok etish butunlay taqiqlandi.
Ma’lumot uchun, 30 yoshli Brayan faoliyati davomida 13 ta jang o‘tkazib, 11 ta g‘alaba va 2 ta mag‘lubiyat qayd etgan.
