"Barselona" vingeri Lamin Yamal Millatlar ligasi doirasidagi Ispaniya va Daniya uchrashuvida jarohat oldi.

17 yoshli futbolchi "qizil furiya"ning asosiy tarkibida maydonga tushdi va jamoasining minimal g‘alabasiga hissa qo‘shdi. 93-daqiqada Luis de la Fuente yosh futbolchini almashtirdi. Uchrashuv tugagach, Yamal stadiondan chiqib ketayotib oqsoqlab qoldi. Relevoning so‘zlariga ko‘ra, vunderkind ortiqcha ish yukidan aziyat chekkan, daniyaliklarning qo‘pol o‘yini ham uning ahvoliga ta’sir qilgan.

Lamin Yamalning seshanba kuni Serbiyaga qarshi bo‘lajak o‘yinda ishtirok etishi so‘roq ostida. Kataloniyaliklar vakili yakshanba kuni tibbiy ko‘rikdan o‘tadi.