"Барселона" вингери Ламин Ямал Миллатлар лигаси доирасидаги Испания ва Дания учрашувида жароҳат олди.
17 ёшли футболчи "қизил фурия"нинг асосий таркибида майдонга тушди ва жамоасининг минимал ғалабасига ҳисса қўшди. 93-дақиқада Луис де ла Фуэнте ёш футболчини алмаштирди. Учрашув тугагач, Ямал стадиондан чиқиб кетаётиб оқсоқлаб қолди. Relevoнинг сўзларига кўра, вундеркинд ортиқча иш юкидан азият чеккан, данияликларнинг қўпол ўйини ҳам унинг аҳволига таъсир қилган.
Ламин Ямалнинг сешанба куни Сербияга қарши бўлажак ўйинда иштирок этиши сўроқ остида. Каталонияликлар вакили якшанба куни тиббий кўрикдан ўтади.
