"Monsa"ning hujumkor yarim himoyachisi Daniel Maldini Italiya terma jamoasidagi debyutidan o‘z his-tuyg‘ulari bilan o‘rtoqlashdi.
Futbolchi UEFA Millatlar ligasi "A" ligasi 2-guruhidan o‘rin olgan Isroil bilan (4:1) 4-tur uchrashuvining 73-daqiqasida maydonga tushdi.
"Bu ijobiy his-tuyg‘ular edi. Maydonga tushganimdan va uchrashuv yaxshi o‘tganidan juda xursandman. Ularning goliga qadar biz o‘yinni to‘liq nazorat qildik, keyin esa o‘z o‘yinimizni saqlab qoldik va bu o‘zini ko‘rsatdi. Umid qilamanki, o‘yinlarga sifat qo‘sha olaman, hatto juda ko‘p bo‘lmasa ham, qo‘limdan kelganicha yordam berishga harakat qilaman. Ota-onam bu yerga kelganidan xursandman, uyga qaytganimda hammasini muhokama qilamiz", - deya Maldini so‘zlarini keltirmoqda Sky Sport Italia.
