Londonda shaxmat bo‘yicha «WR Chess Masters» musobaqasi bo‘lib o‘tmoqda. Dastlabki bosqichdan muvaffaqiyatli o‘tgan Nodirbek Abdusattorov chorak finalda fransiyalik Maksim Vashe-Lagrav bilan to‘qnash keladi.

Musobaqa 16 nafar sportchi ishtirokida nokaut tizimida o‘tkazilmoqda. Kecha chorak final bosqichi o‘yinlari o‘tkazildi.

Turnir formati haqida: Birinchi 30 ta yurish uchun 60 daqiqa, keyingi 20 ta yurishga 30 daqiqa va o‘yin oxirigacha yana 30 daqiqa. Shaxmatchilar raqiblari bilan ham oqlardan, ham qoralardan 1 tadan partiya o‘ynashadi, mag‘lub bo‘lgan ishtirokchi turnirni tark etadi.

Nodirbek Abdusattorov va Maksim Vashe-Lagrav o‘rtasidagi asosiy o‘yinlarda durang qayd etildi. Armagedon partiyada esa hamyurtimiz qora donalarda o‘ynadi. Keyingi bosqichga chiqish uchun Nodirga durang ham yetarli bo‘lardi. Ammo vatandoshimiz vaqt kamligi uchun bir qator noaniq yurishlarni amalga oshirdi va yakunda Vashe-Lagrav g‘alaba qozongan holda keyingi bosqichga yo‘l oldi.

Eslatib o‘tamiz, fransiyalik shaxmatchi 1/8 finalda Javohir Sindarov ustidan g‘alaba qozongandi.