Karlo Anchelotti "Real"ning ikki yulduzi o‘rtasidagi tushunmovchilikka munosabat bildirdi.
"Selta"ga qarshi birinchi bo‘lim oxirida vinger Vinisius Junior yaxshi holatda bo‘lgan yarim himoyachi Jud Bellingemga to‘p uzatish o‘rniga darvoza tomon zarba berdi, biroq zarba muvaffaqqiyatli chiqmadi.
Bu inglizning g‘azabiga sabab bo‘ldi. 21 yoshli futbolchi bir necha marta qo‘lini silkitib, orqaga qaytdi va sherigidan norozi bo‘ldi.
Karlo Anchelottidan ushbu epizodga izoh berish so‘ralgan.
“Men siz aytayotgan lahzani ko‘rmadim, lekin hammasi shunday bo‘lgan bo‘lsa, demak, Bellingemda xarakter bor. Bu yaxshi, menimcha. Ular o‘rtasida hech qanday muammo yo‘q”, - dedi “Real” bosh murabbiyi.
