Карло Анчелотти "Реал"нинг икки юлдузи ўртасидаги тушунмовчиликка муносабат билдирди.
"Сельта"га қарши биринчи бўлим охирида вингер Винисиус Жуниор яхши ҳолатда бўлган ярим ҳимоячи Жуд Беллингемга тўп узатиш ўрнига дарвоза томон зарба берди, бироқ зарба муваффаққиятли чиқмади.
Бу инглизнинг ғазабига сабаб бўлди. 21 ёшли футболчи бир неча марта қўлини силкитиб, орқага қайтди ва шеригидан норози бўлди.
Карло Анчелоттидан ушбу эпизодга изоҳ бериш сўралган.
“Мен сиз айтаётган лаҳзани кўрмадим, лекин ҳаммаси шундай бўлган бўлса, демак, Беллингемда характер бор. Бу яхши, менимча. Улар ўртасида ҳеч қандай муаммо йўқ”, - деди “Реал” бош мураббийи.
