«Manchester Siti» bosh murabbiyi Xosep Gvardiola «Vulverxempton» ustidan irodali g‘alaba qozonganidan keyingi his-tuyg‘ulari bilan o‘rtoqlashdi.
Angliya Premyer-ligasining sakkizinchi tur o‘yini 2:1 hisobida «shaharliklar» foydasiga yakunlandi. Hal qiluvchi gol o‘yinning 90+4 daqiqasida kiritildi.
«Biz «Liverpul»da Yurgen Klopp tez-tez qilganidek, o‘yinlarni oxirgi daqiqalarda yutib olishga odatlanmaganmiz. Zaxiradan tushgan o‘yinchilar ajoyib o‘yin ko‘rsatdi, shuning uchun bunday tarzda g‘alaba qozonish juda yoqimli», - deya "Sky Sports" Gvardiolaning so‘zlarini keltiradi.
