«Манчестер Сити» бош мураббийи Хосеп Гвардиола «Вулверхэмптон» устидан иродали ғалаба қозонганидан кейинги ҳис-туйғулари билан ўртоқлашди.
Англия Премьер-лигасининг саккизинчи тур ўйини 2:1 ҳисобида «шаҳарликлар» фойдасига якунланди. Ҳал қилувчи гол ўйиннинг 90+4 дақиқасида киритилди.
«Биз «Ливерпуль»да Юрген Клопп тез-тез қилганидек, ўйинларни охирги дақиқаларда ютиб олишга одатланмаганмиз. Захирадан тушган ўйинчилар ажойиб ўйин кўрсатди, шунинг учун бундай тарзда ғалаба қозониш жуда ёқимли», - дея "Sky Sports" Гвардиоланинг сўзларини келтиради.
