UFC sobiq chempioni va PFL'ning yangi chempioniga aylangan Frensis Ngannuning murabbiyi Erik Niksik shogirdi Renan Ferreyra bilan jangda qovurg‘asidan jarohat olganini aytdi.
"Bu avval ham sodir bo‘lgan. Siril Gan bilan jang oldidan tizza jarohati bo‘lgandi bizda. U o‘sha paytda ham jangdan voz kechmagandi. Albatta, bu turli xil janglar. Har xil turdagi jarohatlar.
Muammo shundaki, bu safar biz grepplingga tayanganimiz aniq.
Shifokorlar bilan maslahatlashgandan so‘ng, MRTdan o‘tib, jangga ruxsat oldik. Shundan keyin Frensis hammasi yaxshi bo‘lishini tushundi. Bularning barchasini yengib, g‘alaba qozonishini bildi", dedi Niksik.
